Дүкенде құлап, ақша өндіріп алды

Green Mart маркетінде мұрнын сындырған Астана тұрғыны мекемеден 150 мың теңге өндіріп алды.
Green Mart сауда үйінде мұрнын сындырып алған Астана тұрғыны мекемеден 150 мың теңге моральдік шығын өндіріп алды, деп хабарлайды Today.kz Астана сотының баспасөз қызметіне сілтеме жасап.

Белгілі болғандай, әйел адам құлаған кезде мұрнын жарақаттап алады. Оқиға орнына келген жедел жәрдем қызметі оған медициналық көмек көрсетіпті. Ал, ЛОР-дәрігердің анықтамасына сай, оған оперция жасауға кеңес берілген.

Сауда үйінің басшылығы зардап шеккен әйелге жанжалды доғару мақсатында құны отыз мың теңге болатын тауар ұсынған. Алайда, ол мұндай сыйлықтан бас тартып, сотқа беруді ұйғарыпты.

Астананың Алматы аудандық соты «GreenMart» сауда желісінен зардап шеккен тұрғынға 150 мың теңге өндіріп берген.

today.kz