Cалтанат Бақаева: Сырт көздің мен жайлы не айтатыны мазалайды

Отандық әнші Салтанат Бақаева сырт көздің өзі жайлы не ойлайтыны көп алаңдататынын айтты. Өнер иесі отандық бағдарламада жан сырын ақтарды. Бағдарлама жүргізушісі әншіден «Әріптестеріңіз арасында сахнаға шықса да, фотосессия жасаса да, тойға шықса да ерекше образды, эксперимент жасауды жақсы көретіндер бар. Сізде тұрақтылық байқалады. Өзгеріс байқалмайды. Өз ұстанымыңыз ба? Неге эксперимент жасап көрмеске? Әлде сыннан қорқасыз ба?», — деп сұрады. Ал Салтанат Бақаева өзі жайлы сырт көздің не ойлайтыны көп алаңдататынын жасырмады. «Экспериментке ашықпын. Фотосессия кезінде эксперимент жасаймын. Ал сахнаға келгенде, маған болмайтын сияқты. Қысылмаймын. Мүмкін, сыннан қорқамын. Ойланып қарасам, сырт көздің мен жайлы не айтатыны, не ойлайтыны көп мазалайды екен. Бұл дұрыс па, дұрыс емес пе, білмеймін. Өз басым бұл дұрыс емес деп ойлаймын. Өзім қалай ойлаймын, сол дұрыс емес пе? Дегенмен, басқалар не ойлап қалады екен, басқалар не істейді екен деген сұрақтар мені көп ойландырады», — деді Салтанат Бақаева.

JQ-Aqparat