Браконьерлер 500 келі балықпен ұсталды

Атырау облысында браконьерлерлер 500 келі балықпен ұсталды, — деп хабарлайды Tengrinews.kz тілшісі Атырау облысының Өңірлік коммуникациялар қызметіне сілтеме жасап. 5 желтоқсанда шамамен сағат 21.00-де Дамба ауылының аумағында «Амур» моторлы қайығы тоқтатылған. Қайықтың бортында Құрманғазы ауылының екі тұрғыны болған. Олардан жарты тонна балық табылды.

«Қазіргі уақытта заңбұзушылар ұсталды, балықтар тәркіленді. ҚР Қылмыстық кодексінің 335-бабы бойынша («Балық ресурстарын, басқа да су жануарларын немесе өсiмдiктерін заңсыз алу») сотқа дейінгі тергеу басталды», — деп хабарлады Атырау облысының Орман шаруашылығы және жануарлар әлемі территориалдық инспекциясының басшысы Данияр Баймағамбетов.