Bishimbayev University лицензия алмаған

Әлеуметтік желіде сотталған экс-министр Қуандық Бишімбаевтың әкесі – Уәлихан Бишімбаев Тараз қаласында Bishimbayev University атты жекеменшік жоғары оқу орнын ашып жатқаны және ректоры ретінде тағайындалғаны туралы ақпарат тарады.

Бұл ақпаратқа қатысты ҚР Ғылым және жоғары білім министрлігі «Білім туралы» заңға сәйкес, кез келген жоғары және жоғары оқу орнынан кейінгі білім беру саласындағы қызмет лицензиялануы тиіс екенін еске салды. Мұндай лицензияларды беру және оларға қосымша құжаттарды рәсімдеу – министрліктің құзыретіне жатады.

“Жоғарыда айтылғандарға сәйкес, министрлік Bishimbayev University-дің білім беру қызметіне лицензия алуы мүмкін емес екенін, сондай-ақ «е-license» ақпараттық жүйесінде тиісті өтінімнің жоқ екенін хабарлайды», – делінген министрлік мәлімдемесінде.

Jas Qazaq Aqparat
Фото: pixabay.com