Бүгін Шерзат Болаттың өліміне қатысты кезекті сот отырысы жүріп жатыр. Сотта куә ретінде 18-19 жастағы Арлан Құсайынов пен ағайынды Дәнияр және Дарын Жанболатұлы жауап берді, деп хабарлайды jasqazaq.kz.
Олар сол түні оқиға орнына кездейсоқ тап болғанын, сотталушыларды да, жәбірленушілерді де танымайтынын айтты. Тек Дарын ғана бұрындары рет сотталушы Нұрқияс Ілиясовпен бір-екі амандасқан.
Куәгерлердің сөзінше, олар әкімдіктің алдында тұрған. Бір кезде Дәниярдың анасы оған телефон соғып, үйге қайт дейді. Содан ол достарымен үйіне беттейді. Шота Руставели көшесіне жеткенде, куәгерлердің топшылауынша, Шерзаттың достары тұрған. Дәнияр Жанболатұлы: «Қателеспесем, Шерзаттың достары болса керек. Біреуінің басы қан, қалғандары да қорқып тұрғандай көрінді. Не болғанын түсінбедік, әшейін төбелес шығар дедік. Бұлай боларын білмедік», — деді.
Сондай-ақ ол тротуарда қанның ізін көргенін айтты. Бауыры Дарын да мұны растады. Ол жерде екі патрон мен кілт жатқанын байқаған.
Олардың жанына бір әйел жылап келіп, ұлы өлгенін айқайлап айтқан. Кейін оның Шерзат Болатың анасы екенін білген. Ол «Қамажай» дүкеніндегі камера жазбасын көру үшін ноутбукке қуаттағыш сұраған.
JQ-Aqparat
WhatsApp: +7 705 717 9113
