Бір-бірімізге өкпе реніш жоқ: Курьер мен Асылхан қол алысты

10 сәуiр 2025, 12:38

Сурет: facebook.com/mukan.shynggys

Әлеуметтік желіде қызу талқыланған курьер Еркін мен тапсырыс беруші Асылхан кездесіп, қол алысты. Бұл туралы Шыңғыс Мұқан әлеуметтік желіде хабарлап, видео жариялады.

Соңғы күндері әлеуметтік желіде маған және Магнумға қатысты әңгіме болып жатыр. Соны түсіндіріп кетсем деймін. Алдымен баршаңызға қолдау көрсетіп жатқандарыңызға рақмет айтамын. Өмір болғаннан кейін түсінбестік болып тұрады. Бірақ бәріміз қазақпыз ғой. Елімізге тыныштық пен татулық керек. Біз кездесіп, татуласып, қол алыстық. Бәрі жақсы, жұмыс берушіге ешқандай шағым жоқ. Осымен мәселеге нүкте қойып, тоқтасақ деймін. Бәріміз бір қазақпыз. Үлкен рақмет, — курьер Еркін.

Асылхан өз кезегінде бір-біріне ешқандай өкпе-реніш жоқ екенін айтты.

Қадірлі ағайын! Мұндай жағдайдың болғаны өкінішті. Қатемізді түсіндік. Ал екеуіміздің бір-бірімізге ешқандай өкпе-ренішіміз жоқ. Баршыңызға рақмет, — деп айтты ол.