Баян Айқын мен Жұлдыздың құпиясын байқаусызда айтып қойған

Атышулы продюсер Баян Мақсатқызы осыдан біраз уақыт бұрын Тайландтағы демалыс сәтінен фото жүктеген болатын. Оқырмандар фотоның артқы фонынан Айқын мен Жұлдызды байқап қалды. Осыған қатысты Баян Мақсатқызы «Айта берсін» бағдарламасында пікір білдірді деп хабарлайды NUR.KZ.

«Kesh You» тобынан кеткен Жұлдыз Өмірғалиға қатысты алып-қашпа әңгімелер әлі де тоқтаған жоқ. Әншінің Айқын Төлепбергенге тұрмысқа шығып, ұлды болғаны айтылғанымен, олар әлі ресми түрде мәлімдеме жасамады. Бірақ, жұлдызды жұптың таныстары мен достары әңгіме арасында сырды ашып қойды. Енді бірі суретті байқаусызда желіге жүктеді.
Солардың бірі Баян Алагөзова Instagram желісінде Жұлдыздың сәбиімен түсіп қалған суретті жариялаған еді. Продюсердің айтуынша, мұны өзі де байқамай қалған.

«Шынын айтқанда, мені ұстап алдыңыздар. Мен білмейтін жайт туралы айтып тұрсыздар. Суретте кімнің түсіп қалғаны есімде жоқ. Жұлдыз бізбен жұмыс жасамайды. Бірақ онымен достық-қарым қатынастамыз. Бір-бірімізді сыйлаймыз, жақсы көреміз. Жалпы, Жұлдыз – тамаша адам», – деп айтты Мақсатқызы.