«Жақын адамдардың тірлігі болуы мүмкін». Бейбіт Қорған «некесіз бала» туралы әңгімеге нүкте қойды (Видео)

Атырау тұрғыны Нұргүл Зиханова осыдан бес жыл бұрын Бейбіт Қорғанмен көңіл жарастырғанын жария еткен еді. Ол 4 жасар баласын әншіден туып алғанын жалпақ жұртқа жайып салған. Бейбіт Қорған жуырда «Сырласу» бағдарламасында сұхбат беріп, осы оқиғаға қатысты түсінік берді.

“Жас күнімізде жүрмеген жеріміз жоқ. Шынымен де менің балам ба деген ойдың болғанын мойындаймын. Өзіме сенімсіз болдым. Бірақ мен ДНҚ тапсырып, теріс нәтижесін көрдім. Оны жекеменшік орталықта тапсырмадым. Кәдімгі мемлекеттік зертхана орталығында тапсырдым. Халық та көзі анық жетпей, шулап кетті. Егер ол менің балам болса, көмектесіп, қамқорлығыма алатын едім. Тегімді беремін. Бірақ олай болмай шықты. Өнерде жүрген достарымның біразы теріс айналды. Тіпті баланың әкесі мен емес,  басқа әнші дегенді де естідім. Соны көздепті. Ол туралы айтпай-ақ қояйын. Жау алыстан келмейді. Мені танитын жақын адамдардың тірлігі болуы мүмкін”, – деді әнші.