Бас прокуроратураның арнайы тобы Әлия Қожабекованың шағымын тексеру үшін Жамбыл облысына барды

Жуырда Жамбыл облысы бойынша Құқықтық статистика және арнайы есепке алу комитеті департаменті қызметкері Әлия Қожабекованың бейнежазбасы тараған болатын, деп хабарлайды jasqazaq.kz. Ол қылмыстық істердің бірыңғай тізілімі базасынан кейбір деректердің заңсыз түрде өшірілетінін жайып салды.

Бұдан кейін Бас прокуратураның құқықтық статистика және арнайы есепке алу комитеті ол келтірген деректердің расталмағанын мәлімдеді. Алайда Әлия Қожабекова комитеттің бұл қорытындысымен келіспейтінінін айтып, тағы да бейнежазба жариялады.

Бүгін Бас прокуратура осыған орай хабарлама таратты. Онда: «Бас Прокурордың тапсырмасы бойынша айтылған уәждерді тексеру үшін Жамбыл облысына Бас прокуратураның Ішкі қауіпсіздік департаменті мен тиісті құрылымдық бөлімшесінің қызметкерлері, сондай-ақ Комитет төрағасының орынбасары кіретін жұмыс тобы жіберілді», — делінген.

JQ-Aqparat

Сурет: видеодан скрнишот