Бас прокурор: Астанада төбелескен шетелдік жұмысшыларды елден шығару мәселесін сот шешеді

ҚР бас прокуроры Жақып Асанов «Абу-Даби Плаза» құрылыс алаңында болған төбелеске қатысты пікір білдірді, — деп хабарлайды Tengrinews.kz.

Қазір екі қылмыстық іс қозғалды. Біреуі тұрмыстық жанжал бойынша, екіншісі — жалған ақпарат таратуға қатысты, — деп мәлімдеді ол Парламент палаталарының біріккен отырысының үзілісінде. Ал шетелдік жұмысшыларды елден көшіріп жіберу туралы сұраққа ол бұл мәселені сот шететінін айтты. «Істі сотқа жолдаймыз, сонда шешіледі», — деді Асанов. Ал мұның алдында ҚР денсаулық сақтау министрі Елжан Біртанов Астанадағы «Абу-Даби Плаза» құрылыс алаңында болған төбелестен зардап шеккендердің жағдайы жайлы айтып берген еді.