«Бәрі бітті, осылай сорлап қаламын». Айнұр Тұрсынбаева қиналған кезін есіне алды

Айтыскер ақын Айнұр Тұрсынбаева Ләйлә Сұлтанқызымен әңгімелесіп отырып, ақшадан қысылған күндерін есіне алды.

«2016 жылы Меккеге ауыр халде келгенмін. Ажырасу, үлкен қарыз, тығырыққа тіреліп, ауыр депрессияда жүрдім. Дәл осы жерде домалап жылап жатып, «Аллаһым, берушілерден қылшы, мені қуантшы, саған түк емес қой мені қуанту» деп жылағанмын… бірақ дұғам қабыл болады деген сенім 0 болды. «Бәрі бітті, енді осылай сорлап қаламын» деп ойладым. Есіме түссе, кеудем қысылып кетеді… Алладан көп нәрсе сұрадым ғой.

Бизнес бастайын десем көк тиын жоқ, тұрып жатқан пәтерден басқа сататын дымым жоқ, айтыста қара тізімге кіргізіп тастады, тойларға, қыз ұзатуға 200-300 мың теңгеге шығып жүрдім. Оның өзінде ажырасқансың деп тойға да көп шақырмайтын. Қолымнан түк келмейді, не істеймін деп тығырыққа тірелдім де қалдым», — деді Айнұр Тұрсынбаева.

JQ-Aqparat

Фото: youtube.com