Банкроттыққа өтініш: Астана тұрғыны 2,1 млрд теңге қарыз

Қаржы министрлігі мемлекеттік кірістер комитеті төрағасының орынбасары Сеилжан Ахметов бүгінгі брифингте банкроттыққа өтініш бергендерге тоқталып өтті.

Оның айтуынша, Алматы облысында ең көп өтініш берілген – 23 640 (бұл Республика бойынша барлық өтініштердің 11,8% құрайды), ең азы – Ұлытау облысында – 1 924 (1%).

«Банкроттардың орташа жасы – 44 жас. Ең жасы үлкен банкрот – 1943 жылы туған Шымкент қаласының тұрғыны, берешек сомасы 370 мың теңге. Ең жас банкрот – 2005 жылы туған Астана қаласының тұрғыны, берешек сомасы 856 мың теңге. Берешегі ең көп банкрот Астана қаласының тұрғыны болып табылады. Қарыз сомасы 2,1 млрд теңгені құрайды. Барлық банкроттардың ішінде 1 мыңнан астам азамат (5%) – мемлекеттік атаулы әлеуметтік көмек алушылар, ал 9 891 адамның (немесе 44%) 5 жылдан астам уақыт бойы төленбеген қарыздары болды», — деді.

JQ-Aqparat
Сурет: оrtcom_kz