Алматы облысының 57 тұрғыны баласына дұрыс тәрбие бермегені үшін жауапкершілікке тартылды. «Еліміз бойынша кәмелет жасқа толмағандар арасында заңбұзушылықтың алдын алуға бағытталған «Жасөспірім» шарасының бірінші кезеңі аяқталды.
Нәтижесінде өз балаларының тәрбиесіне немқұрайлылық танытқан 57 ата-ана жауапқа тартылды. Барлық 57 жағдай бойынша ҚР ӘК 127-ші бабына сәйкес 7 АЕК-тен 20 АЕК-ке дейін айыппұл салынды», — деп хабарлайды ІІД баспасөз қызметі. 7 күнде ювеналды полиция қызметкерлері 436 әкімшілік құқықбұзушылықты анықтады. 30-дан астам сауда орындарының иелеріне кәмелет жасына толмағандарға алкоголь және темекі өнімдерін сатқаны үшін айыппұл салынды.