Қызылорда облысы Шиелі ауданындағы «Раяна» балабақшасындағы оқыс жағдай туралы журналист Гүлмира Әбіқай жария етті. Өзі жазғандай, оған зәбір көрген қыздың анасы хабарласқан. Әйелдің айтуынша, балабақшада қызын өзімен қатарлас бала әбден тістелеп тастаған., деп хабарлайды jasqazaq.kz.
Гүлмира Әбіқай: «Камераны көрсетпей отыр, бақшада ешкім жедел-жәрдем шақырмаған. Тәрбиешілер жай ғана баланы ата-анасына табыстап, «бетін тістеп алыпты» деп арқасындағы тіс ізі жайлы айтпады. Қолды-аяққа тұрмай шырылдаған баланың тістелмеген жері жоқ екенін үйде денесін көргенде бір-ақ байқадым» деп жазады анасы. Тістелген қыздың бақшаға барғанына небәрі 2-ші күн болған екен. Денесі ауырғаннан байыз таппай шырқыраған сәби шошып қалған, 2 күн ұйқысыз өткізіпті», — деп жазады.
Әбіқайдың айтуынша, баланың анасы аудандық полиция бөліміне барып арыз жазған.
Қызылорда облыстық білім басқармасы бұл жағдайдың қатаң бақылауға алынғанын мәлімдеді: «Шиелі ауданындағы 50 орындық «Раяна» жекеменшік балабақшасында болған жағдайға байланысты Шиелі аудандық білім бөлімі зерделеу жұмыстарын жүргізуде. Зерделеу қорытындысы қосымша хабарланатын болады. Бұл жағдай Қызылорда облысының білім басқармасының қатаң бақылауында екендігін назарыңызға жеткіземіз».
Сондай-ақ бұл оқиға облыстық полиция департаментінің бақылауында.
Посмотреть эту публикацию в Instagram
WhatsApp: +7 705 717 9113
