Бағанашылдағы балалар үйін көшіру туралы мәселеге нүкте қойылды

Бағанашылдағы балалар үйі Қонаев қаласына көшірілмейтін болды, деп хабарлайды jasqazaq.kz.

Бала құқықтары жөніндегі уәкіл Динара Закиева желідегі парақшасында осындай жақсы жаңалықпен бөлісті. Балалар үйінің тәрбиеленушілері мен Алматы облысы әкімінің кездесуінің нәтижесінде осындай шешім қабылданыпты.

Д.Зәкиева: «Бағанашылдағы балалар үйінде тұрып жатқан балалар сол жерде қалатын болды. Жаңа ғимарат Нүсіпбаев атындағы интернаттың балаларына беріледі», — деп жазды.

Алматы облысының әкімі Марат Сұлтанғазиев Бағанашылдағы балалар үйінде бұрыннан тәрбеиеленіп жатқандар орнында қала беретінін, ал жаңадан қабылданатындар Қонаевтағы ғимаратқа орналасатынын айтты. 4000 шаршы метр заманауи ғимарат 240 орынға арналады. Кешен биыл жазда пайдалануға берілуі тиіс.

JQ-Aqparat
Сурет: Алматы облысы әкімінің баспасөз қызметі