Ауызашарға дейін наурыз көже ішіп қоймаңыз

Биыл мұсылман қауымның оразасы наурыз айына дөп келді. Ертең елімізде Ұлыстың ұлы күні – Наурыз мейрамы атап өтіле бастайды. Осы орайда ауыз бекіткендер Наурыз кезінде оразадан бас тартуға бола ма деген сауалға жауап іздеуге кірісті.

Дінтанушы һәм мәдениеттанушы Елнар Берікбев денсаулығы жарамды, кәмелетке толған әрбір мұсылман Рамазан айында ораза ұстауға міндетті екенін ескертеді.

«Мерекелер оразаны бұзуға себеп бола алмайды. Алайда мұсылмандар Наурыз мейрамын атап өте алады. Наурыз ешқашан исламға қарсы қойылған емес. Керісінше, ол ғасырлар бойы мұсылмандық құндылықтармен қатар тойланып келеді», — дейді ол.

JQ-Aqparat

Фото: ult.kz