Атырауда сәбиді перзентханадан шығару салтанаты жұртты таңғалдырды (видео)

Әлеуметтік желіде Атырауда сәбиді перзентханадан шығару салтанаты түсірілген ерекше видео тарады.  Baq.kz  хабарлағандай, видеодан шілдехана тойының перзентхана табалдырығынан дүркіреп басталғанын көруге болады.

Сондай-ақ мекеменің ауласына дастархан жайылып, арнайы әртістер де шақырылған. Желі қолданушылары видеоға қатысты түрлі пікір жазуда. Олардың бір тобы той иелерін қуанышымен құттықтаса, қалғандары осынша ысырапшылықтың не керегі бар екенін айтуда.

Еске сала кетейік, қаңтар айының ортасында Шымкенттегі тойда салмағы 1,5 тонна болған торт жұртты таңғалдырған болатын.