Атырауда директор парамен ұсталды

24 қазан 2016, 23:54

snimok

Лауазым керек пе – сатып ал! Атырауда «Азаматтарға арналған үкімет» мемлекеттік корпорациясының облыстық филиалының директоры парамен ұсталды. Қамбар Теміров Исатай аудандық халыққа қызмет көрсету орталығының басшысы қыламын деген адамнан 100 мың теңге алып жатқанда қолға түскен.
Теміровтің облыстағы халыққа қызмет көрсету орталығын 6 жылдан бері басқарғанын ескерсек, тағы біраз былықтары ашылуы мүмкін. Өйткені, сыбайлас жемқорлыққа қарсы іс-қимыл бюросының қызметкерлері оның параны жүйелі түрде алғандығын айтып отыр. Мысалы, Индер аудандық бөлімшесінің бас маманы лауазымын 50 мың теңгеге бағаласа, Атырау қаласы аумағынан жер сұрап келген тұрғындардан жалпы сомасы 700 мың теңгенің сыйлықтарын алыпты. Жұмыс орнында ұсталған Теміров қазір тергеу қапасында отыр.

ktk.kz