Атырау облысында оқушы балтамен сыныптасына шабуыл жасады (Видео)

06 ақпан, 11:52

Атырау облысының Құлсары қаласында 10-сынып оқушысы қатарластарымен болған жанжалдан кейін мектеп ішінде балтамен жүгіріп, оқушыларға шабуыл жасаған, деп хабарлайды jasqazaq.kz.

Полицияның хабарлауынша, қақтығыс оқушылар арасындағы сөзге келіспеушіліктен кейін туындаған. Нәтижесінде екі оқушы жеңіл жарақат алған. Шабуыл жасаған 15 жастағы жасөспірім ұсталды. Ол уақытша ұстау изоляторына қамалып, полиция есебіне алынды.

Сонымен қатар, кәмелетке толмаған баланы тәрбиелеу жөніндегі міндеттерді тиісінше орындамағаны үшін жасөспірімнің ата-анасына қатысты әкімшілік іс қозғалды.