Атырау облысында локомотив пен 11 вагон рельстен шығып кетіп, жұмысшылар зардап шекті

01 наурыз, 13:07

Оқиға бүгін, 1 наурыз сағат 10:20-да болған.

Тендік станциясының теміржол өткелінде жүк көлігі жүргізушісінің кінәсінен жүк пойызымен соқтығысқан. Апат салдарынан локомотив бригадасының қызметкерлері зардап шекті. Локомотив пен 11 бос вагон рельстен шығып кетті.

— 2024 жылы теміржол өткелдерінде автокөлік жүргізушілерінің жол қозғалысы ережелерін бұзуына байланысты 28 жол-көлік оқиғасы болды. ҚТЖ осындай оқиғалардың алдын алу үшін теміржол өткелдерінде қауіпсіздік ережелерін сақтаудың маңыздылығын еске салады, — деді «Қазақстан темір жолы» ҰК» АҚ баспасөз қызметінен.

Фото: Қазақстан темір жолы