Асылхан Төлепов өз тойында жетім балаларға дастархан жайды

Жуырда ғана отағасы атанған Асылхан Төлепов үйленгенін растаған жоқ. Сенімді дереккөзге сүйенсек, қалыңдығын ұзатып алған актердің үйлену тойы бүгін Ақтөбе қаласында тойланатын көрінеді. Алайда Асылхан өміріндегі ең маңызды күні “гулянкадан” бас тартып, оның орнына жетім балаларға дастархан жайған, деп хабарлайды Stan.kz.

Бұл туралы әнші Димаш Құдайбергеннің досы ретінде танылған Алпамыс Шәрімов айтып берді. Алпамыстың сөзіне сүйенсек, Асылхан қайырымды ісін жария еткісі келмеген.

“Кешір, Асылxан, xалық білсін! Талай біліп-білмей жатқан оң істерің қаншама?! Бірақ, бұл ісің менің жүрегіме досыма деген мақтаныш, құрмет сезімін еселетті. Әрине, бұны Сен біреу білсің деп емес – жүрегіңмен риясыз істедің! Сендей азаматтардың ісі көпке үлгі болуы керек!

Әмина апайдың “Перзент” балалар үйіне барып дастарxан жайып, көңілдеріңізді білдіріп, қаншама құрмет көрсеткендеріңіз – жақсы іс. Өзің үшін маңызды күнде жастардың “гулянкасын” жақсы іске алмастыруын да жамағатқа үлгі, жартыға бүтін болсын! Бүгінгі бақытты күндеріңізде Сіздермен бірге болғаныма мен де бақыттымын! (Айтып-айтылмаған барлық) Игі істеріңіз мың есе Алладан қайтсын! Бақытты болыңыздар!” – деп жазды Алпамыс желідегі парақшасында.