Астрахандық қазақ қызы әлеуметтік желі қолданушыларын сұлулығымен тәнті етті (видео)

Ресейлік саяхатшы-блогер Радик Айбашев Астрахань қаласында болып, ойда-жоқта қазақ қызын ғаламтор «жұлдызына» айналдырды.

McDonalds дәмханалар желісінде жұмыс істейтін Лаура есімді қыздың видеосы қазір желі қолданушыларының арасында кеңінен талқыланып жатыр, — деп хабарлайды Caravan.kz.
Бейнероликте Радик Айбашев қазақ қызынан Ресейдегі қазақтардың қалай өмір сүріп жатқанын, орыстар тарапынан қысым болатын-болмайтынын сұраған. Саяхаттанушы сондай-ақ, әңгіме барысында Астрахань жеріндегі жер-су аттарының қазақша аталатынына таңырқайды. Соған қарағанда, ол Ресейдің қазіргі бірнеше облысы қазақтың тарихи жері екенін білмейтін болуы керек.

«Оның өте жақсы және жауапты қыз екені көрініп тұр. Оны танитын адамдар болса менің және оқырмандарымның атынан рахметімді жеткізуді сұраймын. Бірақ, Лаурамен қайда кездескенімді айтпаймын. Өйткені оны алып қашқысы келетіндер көп», — деп жазды Радик Айбашев өз Youtube-каналында.
Аталған видеороликті 2 мыңнан астам адам талқылап, жарты миллионға жуық адам көріп үлгерген.