Астанада тергеу изоляторынан ер адам қашып кетті

26 ақпан 2018, 10:33

Астанада Қарағанды облысының тумасы тергеу изоляторынан қашып кетті, — деп хабарлайды Tengrinews.kz. Ақпаратты ІІМ ҚАЖ Комитеті баспасөз қызметінің мамандары растады.

«Бүгін, 2018 жылы 25 ақпанда, түс кезінде Астанадағы тергеу изоляторының серуендеу ауласынан бірнеше рет сотталған адам қашып кетті. Ол бір қабатты ғимараттың жанындағы серуендеу ауласында жүрген, ер адам шатырға шығып, ол жерден қоршауға секіріп, кейін негізгі қоршаудан өтіп кетуі мүмкін», — деді ведомство мамандары. Айта кетейік, Қарағандының 36 жастағы тумасы Е.Қ.Арғымбаев бұған дейін ұрлық пен тонау бойынша сотталған. Қазіргі таңда іздеу шаралары жүргізіліп жатыр.