Азия ойындарында бокстан ұлттық құраманың капитаны Асланбек Шымбергенов қарсыласын нокаутқа түсіріп, жартылай финалға шықты. Ол шаршы алаңда өзбек спортшысы Асадхужа Муйдинхужаевпен қолғап түйістірген еді.
Айта кеткен жөн, 71 келіге дейінгі салмақтағы осы боксшылардың кезлесуі аса тартысты өтті. Жұдырықтасу барысында есе жіберіп жатқан жерлесіміз үшінші раундта айқын басымдық танытып жеңіске жетті.
Асланбек енді жартылай финалда жапон елінің өкілі Менсо Оказавамен рингте бақ сынайды.
JQ- Aqparat