Ашына күндесін сотқа беріп, 500 мың теңге талап етті

«Жүре берсең, көре бересің» демекші, Ақтөбе облысында бір еркектің ашынасы оның зайыбын сотқа беріп, ар-намысына тигені үшін 500 мың теңге төлеуін талап еткен, деп хабарлайды jasqazaq.kz.

«Диапазон» жазғандай, ер адам әйелін тастап, нақсүйеріне кетеді. Алты баламен қалған әйел күйеуіне мессенджерде дыбысты хабарлама жіберіп, жер-жебіріне жеткен. Ер адамның жаңа ғашығы хабарламаны көрген соң сотқа жүгінеді. 500 мың теңге моральдық шығынға қоса, көңілдесінің әйелін қылмыстық жазаға тартуды талап етеді.

Хабарламаны әбден зерттеген сот оны ерлі-зайыптылардың арасындағы диалог деп тауып, күйеуі тастап кеткен әйелді ақтады.

JQ-Aqparat