Асфальтқа басын ұрып, көз жұмды

Ұстау кезінде қаза тапқан Олег Харитоновтың ағасы оқиға куәгерінің видеосын Sputnik Қазақстан агенттігіне ұсынды

8 қараша күні кешке полиция 25 жастағы Олег Харитоновты ұстамақ болады. Полиция мәліметіне сүйенсек, қарағандылық ұялы телефон ұрлады деген күдікке ілінген. Ол ұстау кезінде тәртіп сақшыларына қарсылық көрсетіпті: пышақ алып шығып, қоқан-лоққы жасаған.

Полицейлердің айтуынша, қызметкерлердің бірі ер адамды жерге құлатқан, ал күдікті басын асфальтқа ұрғылап, көз жұмыпты. Сот-медициналық сараптама анықтағандай, ер адамның жүрегі тоқтап қалған.

Алайда куәгерлердің берген түсініктемесінде құқық қорғау органдары қызметкерлері Олег Харитоновтың аяқпен тепкілегені айтылған.    Қазір Қарағанды қаласы Октябрь ауданы прокуратурасы тергеу жүргізуде.