Америкадан сәлемдеме: Марихуана қосылған мармелад! (Видео)

06 ақпан 2025, 16:43

Мұхиттың арғы жағынан «демократия дәрісі» ғана емес, адамзатқа тажал боп тиген есірткі де ағыла бастады. Алматыда тәтті у салынған сәлемдемеcін алуға келген азамат ұсталды.

Jasqazaq.kz Ішкі істер министрлігіне сілтеме жасай отырып хабарлағандай, полиция қызметкерлері «Қазпошта» бөлімшесінде 30 жастағы жергілікті тұрғынды есірткіні алып жатқан сәтте құрықтады. Әлгі азаматтың үйінде жүргізілген тінту барысында ішінде өзіне тән иісімен белгілі өсімдік заты бар 27 түйіншек табылды.
Қазір тәртіп сақшылары есірткіні оңтүстік астанаға жеткізетін қылмыстық арнаны анықтаумен айналысып жатыр. Айта кеткен жөн, соң кездері елімізге Америка және Еуропадан пошта сәлемдемесі арқылы есірткі тасымалдайтындар құрыққа жиі ілігетін болды.