Алматыда жаңа туған сәбиін тастап кеткен әйел ұсталды

Алматыда жаңа туған сәбиін тастап кеткен әйел ұсталды, деп хабарлайды jasqazaq. kz. 
Кеше Чернышевский көшесіндегі үйдің ауласынан нәресте табылған еді. Жедел жәрдем қызметкерлерінің айтуынша, нәрестенің дүниеге келгеніне бір-екі сағат ғана болған. Ауруханаға жатқызылған нәрестенің жағдайы ауыр.
Polisia.kz мәліметінше, жедел-іздестіру шараларының нәтижесінде жаңа туған сәбидің анасының жеке басы анықталды. Ол ұсталды және медициналық көмек алу үшін қалалық ауруханалардың біріне жатқызылды.

Қауіпті жағдайда баланы тастап кету дерегі бойынша қылмыстық іс қозғалды. Оқиғаның себебі мен мән-жайы анықталып жатыр.
JQ-Aqparat

Сурет: polisia.kz