Алматыда тағы 211 заңсыз сауда нысаны бұзылды

Алматыда мемлекеттік қордың жерінде орналасқан рұқсатсыз салынған сауда орындары мен стационарлық емес сауда нысандарын бұзу жұмыстары жалғасып жатыр.
Алматы әкімдігінің мәліметінше, мемлекеттік және құқық қорғау органдарының өкілдері, мәслихат депутаттары мен қоғамдық кеңес мүшелерінен құралған комиссия шешімімен 211 заңсыз сауда орны (102 дүңгіршек және 109 күш өлшегіш) бұзылып, 270 кәсіпкерге ескерту хат берілді.

Айта кету керек, қызмет түріне қарамастан, барлық заңсыз сауда нысаны бұзылып жатыр. Әсіресе, көше тағамдарын сататын орындар ерекше назарға алынды.

– Заңсыз дүңгіршектер көбінесе арықтардың үстіне қойылады, санитарлық норма сақталмаған, дәретхана жоқ. Олар мектептердің, балалар жүретін орындардың жанында орналасқан. Кейін тамақтан улануы мүмкін , — дейді қала тұрғыны Евгений Богачев.

Қаланың мәслихат депутаты, көріктендіру мәселелерімен белсенді айналысып жүрген Тимур Елеусізов бұзылған сауда орындарының барлығы электр желілеріне заңсыз қосылғанын, бұл қаланың инфрақұрылымына қосымша жүктеме түсіретінін атап өтті.