Алматыда өте ақылды цифрлық бақылау жүйесі іске қосылды

1 шілде, яғни бүгіннен бастап Алматыда айрықша цифрлық бақылау жүйесі іске қосылады, деп хабарлайды jasqazaq.kz.

Жүйе жол ережесінің бұзылуын ғана емес, көліктегі жүргізушінің мінез-құлқын да бақылайды.
Сөйтіп, бүгіннен бастап камералар төмендегідей ереже бұзушылықтарды анықтай алады:
— қауіпті және агрессивті жүргізу;
— бұрылыс көрсеткішін қоспай жиі жол ауыстыру;
— қарсы бағытпен жүру;
— кенеттен жылдамдық арттыру немесе тежелу;
— сақтандыру полисі жоқ көлік;
— жалған немесе жасырылған нөмірлер;
— айыппұл төлемеген жүргізушілер.
Барлық мәлімет сол арада ішкі істер министрлігінің бірыңғай базасына жіберіледі. Жүргізуші ереже бұзса, жүйе оны бақылау режиміне қосып, полицияға автоматты түрде хабар береді. Көлік қозғалысы нақты уақытта бақыланып, камералар талдау жасайды.
ІІМ жол ережесін сақтайтын жүргізушілерге алаңдауға негіз жоқ екенін ескертеді. Заңға бағынып, ереже бұзбағандарды жүйе «көзге ілмейді».

JQ-Aqparat

Фото: kolesa.kz