Алматыда мотоцикл екі жұмысшының өмірін қиды (Видео)

Алматыда түнде жол-көлік оқиғасы болып, екі адам көз жұмды.

Алматы қаласы Полиция департаментінің мәліметінше, жол апаты 9 сәуір сағат 1:30 шамасында Алатау ауданында болған. Мотоцикл жүргізушісі Рысқұлов даңғылымен батыс бағытта келе жатып, алдымен жеңіл көлікке соқтығысқан. Кейін қозғалысы тоқтамаған күйде жол жұмыстарын жүргізіп жатқан 3 жұмысшыны (екі ер, бір әйел адам) қағып кеткен.

— Өкінішке қарай, екі ер адам оқиға орнында көз жұмды. Ал әйел ауыр халде қалалық ауруханалардың біріне жеткізілді. Полицияның анықтау басқармасы екі адамның өліміне әкеп соқтырған жол-көлік оқиғасына байланысты қылмыстық іс қозғады, — деп хабарлады департаменттен.