Алматыда массаж салонын жезөкшелер «үйіне» айналдырған (Видео)

Алматыда боди-массаж салонында интимді қызмет көрсеткен жеңіл жүрісті қыздар анықталды. Олар Медеу ауданында элиталық секторда массаж салонының атын жамылып жұмыс істеген.

– Оны Ақмола облысынан келген 31 жастағы В. есімді әйел басқарды. Оның Қарағанды, Алматы және Солтүстік Қазақстан облыстарынан келгендерді жұмысқа тартқаны анықталды. “Ұжымның” құрамына Өзбекстан мен Ресей Федерациясының азаматтары да кірді. Бұл элиталы үйге кіру оңайға соқпады: тек тұрақты, сенімді клиенттерді ғана ішке кіргізді, тіпті көліктерінің нөмірлерін де ешкім танымас үшін пленкамен жауып тастаған. Боди-массаж кең ауқымды қызмет түрлерін қамтыды: бұл үш қабатты ғимаратта сауна мен спа-салон да бар болатын, – деді Алматы қалалық ПД бастығының орынбасары Берік Әбілбеков.

Салонның иесі бұрын да осындай жезөкшелікпен айналысуға арналған жезөкшелер үйін ұстағаны үшін қылмыстық жауапкершілікке тартылған. Бұл жолы оның әрекеттері ҚР ӘҚбК-нің 450-бабы бойынша квалификацияланған. Шешім қабылдау үшін өндірістік материалдар сотқа жіберіледі.

Ақпарат көзі Polisia.kz