Алматыда Lada автокөлігі мотоциклді қағып кетті

Алматыда Lada Priora автокөлігі мотоцикл жүргізушісін қағып кетті. Әлеуметтік желілерде осы жол-көлік оқиғасына қатысты бейнекөріністер пайда болды.

Жол-көлік оқиғасы 2 маусымда Өтепов пен Розыбакиев көшесінің қиылысында болған. Өтепов көшесінде тұрған  мотоцикл жүргізушісі бағдаршамның жасыл шамы жанған соң, батыс бағытта жолды қиып өте бастайды. Осы сәтте Розыбакиев көшесі бойымен жоғары жаққа, яғни солтүстік бағытта келе жатқан Lada Priora жеңіл автокөлігінің жүргізушісі бағдаршамның қызыл шамы жанса да, қозғалысын тоқтатпаған күйі, жол қиылысынан өтіп бара жатқан мотоцикл жүргізушісін қағып өтеді. Абырой болғанда мотоцикл жүргізушісінің үстінде тиісті киімі мен басында шлем болған. Сондай-ақ, ол оң аяғын көтеріп үлгерген. Әйтпесе, соққы оң аяғына тура келер еді.

Motor.kz. сайтына берген жауабында зардап шеккен мотоцикл жүргізушісі сот үкімімен Lada автокөлігі жүргізушісінің жүргізушілік құқығынан айрылғандығын айтқан.

Мотоцикл жүргізушісінің өзі зардап шекпеген. Сондай-ақ, басқа байкерлерді жолда шлемсіз жүрмеуге және жан-жағына қарап жүруге шақырды.

ҚазАқпарат