Алматыда келесі жылдан бастап мектеп автобустары қатынайды

Алматыда қала мектептеріне 100 автобус сатып алынады. Олар келесі жылдың қаңтар айынан бастап жүре бастайды, деп хабарлайды ҚазАқпарат.

Алматы әкімі Ерболат Досаевтың Бостандық ауданының тұрғындарымен кездесу барысында қала тұрғыны мектеп автобустары қашан жүре бастайтынын сұрады.

«Өткен мәслихаттың отырысында осы мәселені бюджетке кіргіздік. Биыл арнайы мектептер үшін 100 автобус сатып аламыз. Ол үшін жалпы 2 млрд теңге бөлдік. Автобустар келесі жылдың 1 қаңтарынан бастап жүретін болады. Қаладағы 8 аудан ішінен автобус баратын 29 мектеп таңдалды. Бостандық ауданы бойынша автобус Әл-Фараби даңғылының жоғары жағында орналасқан мектептерге таңертең қатынайды»,- деді Ерболат Досаев.