Алматыда 100-ден астам көшенің атауы өзгереді

Алматы қалалық ономастикалық комиссиясы 2017 жылғы 10 қарашадағы қорытындысы негізінде бірқатар көшелердің атауын өзгерту туралы қаулы шығарды, деп хабарлайды Baq.kz ақпарат агенттігі.

Алматы әкімдігінің қаулысында көрсетілгендей, қала тұрғындарының пікірі ескеріле отырып, көшелердің атауын өзгерту туралы шешім ҚР 1993 жылғы 8 желтоқсандағы «ҚР әкiмшiлiк-аумақтық құрылысы туралы» Заңының 13 бабына сәйкес шығарылды.

Мегаполистің кейбір аудандарындағы жаңа көшелердің атауы Нұрлы жол, Нұр Әлем, Нұрсая, Ер Төстік, Ақсу-Жабағылы, Алтын адам, Хан шатыр, Еңлік-Кебек және т.б. өзгертіледі.

Сондай-ақ бірқатар көшеге танымал тұлғалар Мұхамеджан Әбдіқалықов, Тұманбай Молдағалиев, Сағадат Нұрмағамбетов, Рымғали Нұрғали, Герольд Бельгер, Шыңғыс Айтматов есімдері берілмек.