Алматы-Қапшағай тас жолында жан түршігерлік жол апаты болды

Кіа Оptima көлігі жаяу жүргіншіні қағып өлтірді.

Соққының қатты болғаны соншалық марқұмның денесін бірнеше бөлікке бөліп тастаған. Ал жеңіл көлік жетпіс метр сырғып барып әрең тоқтаған. Қайғылы оқиға болған жолдың 54-ші шақырымында ешқандай шам орнатылмаған. Және жаяу жүргіншілерге арналған жолақ та жоқ. Жоғары жылдамдықпен жүйіткіген көлік жүргізушісі жолға шыққан адамды байқамай қалса керек. Оның үстіне марқұм ішімдік ішкен болуы да мүмкін. Ол енді сараптама қортындысынан кейін белгілі болады. Криминалистер жол бойында шашылған марқұмның дене мүшелерін жинап алып кеткен. Кианың жүргізушісі мен жолаушылары дін аман, бірақ қатты шошып қалған.

ktk.kz