Есінде жоқ екенін айтты: Алмас Кішкенбаев қамауға алынды

Танымал әнші Алмас Кішкенбаевқа қатысты сот шешім шығарды. «Ұсақ бұзақылық» бабына сәйкес ол 15 күнге қамауға алынды, деп хабарлайды jasqazaq.kz

«ӘҚБтК-нің 434-бабының 1-бөлігінде қоғамдық тәртіп пен тыныштықты бұзатын жеке тұлғаларға зәбірлеп тиiскені үшін жауапкершілік қарастырылған. Сотпен К.-ның мас күйінде бола тұра, осындай әрекеттерді жасағаны анықталды. 434-баптың 1-бөлігінің санкциясы 20 АЕК мөлшерінде айыппұл салу немесе 5 күннен 15 тәулікке дейін әкімшілік қамаққа алу түріндегі жауапкершілікті қарастырады. Жоғарыда айтылғандардың негізінде К.-ға ӘҚБтК-нің 434-бабының 1-бөлігінде көзделген әкімшілік құқық бұзушылықты жасағаны үшін кінәлі деп танылып, оған 15 тәулікке қамауға алу жазасы тағайындалды», — делінген хабарламада.

Сотта әнші оқиғаның мән-жайы есінде жоқ екенін айтты.

Бұған дейін әнші полицияға жеткізілгені туралы айтылды.  Ол 17 жастағы балаға сыра ішуді ұсынып, кейін тиіскен деген ақпарат тараған болатын.