2023 жылмен салыстырғанда Ұлттық қор активтерінің деңгейі жалпы ішкі өнімге 7%-ға төмендеген. Толығырақ Жоғары аудиторлық палатаның төрағасы Әлихан Смайылов айтып берді.
— Салық өндірудің төмендеуі факторы қарыз алудың ұлғаюымен қатар Ұлттық қордан берілетін трансфертті көбейтуге мәжбүр етті. 2024 жылы оның көлемі 5,6 трлн теңге болды. 2023 жылмен салыстырғанда Ұлттық қор активтерінің деңгейі жалпы ішкі өнімге 7%-ға төмендеген. Бюджет тапшылығын ЖІӨ-нің 2,6%-ы диапазонында ұстау мақсаты орындалмаған. Мұнайға қатысты емес тапшылықтың белгіленген лимиті де сақталмаған. Оның абсолютті мөлшері 10,8 трлн теңге болды, — деді Әлихан Смайылов Мәжілістің жалпы отырысында.
Төраға келтірген мәліметке сүйенсек, 2024 жылы республикалық бюджеттің шығысы бойынша бюджетке 13 рет өзгеріс енгізілді. Ал өзгерістердің 40%-ы 4-тоқсанға тиесілі. Өткен жылы 56 млрд теңгеге 112 бюджеттік инвестициялық жоба қаржыландыру жоспарынан алынып тасталған.
— Бұл дегеніміз газ, су және электрмен жабдықтау, инженерлік-коммуникациялық инфрақұрылым саласындағы объектілер. Алайда екінші жартыжылдықта жалпы сомасы 58 млрд теңгеге басқа 96 инфрақұрылымдық жоба енгізілген. Ал жаңадан енгізілген жобалардың бағыты сол алынып тасталған жобаларға ұқсас, — деп толықтырды аудиторлық палата басшысы.
inform.kz
Фото: abai.kz
WhatsApp: +7 705 717 9113
