Мәдениет және ақпарат министрі Аида Балаева танымал әлеуметтік желілердің бұғатталуы мүмкін деген мәселеге қатысты пікір білдірді. Министрдің айтуынша, бұл мәселеде қазақстандықтардың да жауапкершілігі зор.
«Барлығы тек әлеуметтік желілердің әкімгерлері мен мемлекеттік органдардың әрекетіне ғана байланысты емес. Ең алдымен, бұл – пайдаланушылардың өзіне байланысты. Олар қоғамдағы тұрақтылыққа жауапкершілікпен қарап, жалған ақпарат таратпауы керек», – деді Аида Балаева.
Министрдің бұл мәлімдемесі интернеттегі ақпараттық қауіпсіздік, фейк жаңалықтардың таралуы және әлеуметтік желілердің қоғамға ықпалы туралы талқылаулар аясында жасалды.
Айта кетейік, соңғы уақытта бірқатар елдерде әлеуметтік желілерге шектеу қою тәжірибесі жиілеп келеді. Мысалы, еліміз — Орта Азиядағы Тикток желісін бұғаттамаған жалғыз мемлекет. Мұндай шаралар әдетте деструктивті контент пен жалған ақпараттың таралуына қарсы бағытталады. Елде мұндай қадамдар қолға алына ма, жоқ па — бұл сұрақ әлі ашық күйде қалып отыр.
Фото Depositphotos.com
WhatsApp: +7 705 717 9113
