Ақылы жолға абонемент — 3932 теңге

29 сәуiр, 15:10

Ақылы жолдарда жүргізушілерге тиімді болу үшін айлық және жылдық абонемент қарастырылды, деп хабарлайды jasqazaq.kz.

Бұл туралы Орталық коммуникациялар алаңында өткен баспасөз мәслихатында айтылды. «ҚазАвтоЖол» ҰК» АҚ басқарма төрағасы Дархан Иманашев мұндай жеңілдікті алу үшін 1403 байланыс орталығына хабарласу керек дейді:

«Жеңіл көліктер үшін бір жылдық абонемент 1 айлық есептік көрсеткішті (1 АЕК — 3932 теңге) құрайды, ал автобустар мен жүк көліктерге айлық және жылдық абонемент жүк көтерімділігіне байланысты болады».
Оның айтуынша, биылғы 29 сәуірдегі мәлімет бойынша, елімізде ұзындығы 4100 шақырымды құрайтын 21 ақылы жол учаскесі бар.

JQ-Aqparat
Сурет: ortcom_kz