Ақтөбеде мыңға жуық кәсіпкер салық төлемеген

Ақтөбеде мемлекеттік кірістер саласының мамандары бюджет түсіміндегі қаржыға тексерістер жасаған.

«Бюджетті толықтыруды қамтамасыз ету мақсатында жүргізілген қосымша резервтерді анықтау жұмыстары қорытыланды. 2017 жылдың желтоқсан айында 5 күнінде 927 кәсіпкерден 72,1 млн. теңге бюджетке түсім түскен. Оның ішінде мүлік салығы бойынша жалпы соммасы 62,3 млн. теңге, жер салығы бойынша барлығы 7,6 млн. теңге, жалға берілген жер бойынша 2,1 млн. теңге түскен. Ал, жеке тұлғаларға тоқталар болсақ, барлығы 852 салықтөлеуші 17,9 млн. теңге көлемінде салық төледі», — деп хабарлайды мемлекеттік кірістер саласының мамандары.

Мамандардың айтуынша, сыртқы жарнама орналастырған салық төлеушілерден бюджетке 2 млн. теңге көлемінде қаржы түкен.

Салық қызметкерлері Ақтөбе облысы бойынша Әділет департаменті тарапынан беріліп отырған ақпараттарына сүйене отырып, жүйелі түрде тұрғын үй емес, коммерциялық мақсатта қолданылатын объектісі бар жеке тұлғаларға, дара кәсіпкерлерге қатысты камералдық бақылау жүргізеді.

Дереккөз: aktobenews.kz