
Ақтөбеде жаяу жүргінші жолына шғып кеткен жеңіл автокөлік 9 жасар баланы қағып кетті. Жол апаты бейнебақылау камерасына түсіп қалған.
Оқиға 5 сәуір күні сағат 18:39 шамасында Маресьева көшесінде болған. Ақ түсті Kia Rio автокөлігі жолаушысын түсіре сала, көліктің артымен жылжиды. Сол жерден өтіп бара жатқан баланы қағып, бірнеше секунттан кейін байқайды.
Видеодан баланың көліктің астынан шығып жатқанын байқауға болады. Желі қолданушыларының көбі бұл жерде мектептің орналасқанын және қандай жағдай болмасын жүргізушіні жазалау керегін жазған.
Видео авторы куәгерлер болса, көліктің нөмірін көргендеріңіз бар ма деп сұраған.