Ақтөбе облысында ауа райына байланысты жол жабылды

17 ақпан, 10:25

Ақтөбе облысында ауа райының бұзылуына байланысты республикалық маңызы бар автожол учаскесінде көлік қозғалысына уақытша шектеу енгізілді. Бұл туралы ҚазАвтоЖол хабарлады.

2026 жылғы 17 ақпан сағат 10:00-де «РФ шекарасы – Мәртөк – Ақтөбе – Қарабұтақ – Қызылорда – Шымкент – Тараз – Қордай – Алматы – Қорғас – ҚХР шекарасы» автожолының 776-965 шақырым аралығында, яғни Ақтөбе қаласы мен Қарабұтақ ауылы аралығында барлық көлік түрлерінің қозғалысына шектеу қойылды.

Алдын ала мәлімет бойынша, жолды 17 ақпан сағат 12:00-де ашу жоспарланып отыр.

Қосымша ақпаратты 1403 бірыңғай байланыс орталығы арқылы тәулік бойы алуға болады.

Фото: Kazinform