Ақтауда тегін донер тарату акциясының соңы жанжалға ұласты (Видео)

Акция Мұнайлы ауданы Қызылтөбе ауылында жоспарланған. Тегін донер мен суши таратылатыны жөнінде фасфуд дәмханасының иесі хабарлаған. Әлеуметтік желіде тараған бейнежазбада тұрғындар көп жиналып, бір-бірін таптап кете жаздады.

Inform.kz жазғандай, оқиға орнына полицейлер келіп, жұртты сабырға шақырған.

Маңғыстау облыстық полиция департаментінің хабарлауынша, кәсіпкермен профилактикалық әңгіме жүргізілген.

Дәмхана иесінің айтуынша, ол адам көп жиналады деп ойламаған.

— Қызылтөбе ауылында тұрғындардың көп жиналуына байланысты, құқық бұзушылықтарды болдырмау үшін тегін тамақ таратылатын орынды өзгертіп, басқа ауылда өткізіп жібердік. Болашақта мұндай жағдайлар қайталанбайды. Кешірім сұраймын, — дейді кәсіпкер.