Ақтауда ер адам аквариумдағы балықты ұрлап кетті (видео)

Ақтауда ер адам аквариумдағы бір метрлік балықты ұрлады, деп хабарлайды Baq.kz ақпарат агенттігі ИнАктау-ға сілтеме жасап.

Ер адам Ақтау қаласындағы үлкен аквариумы бар «Caspian Riviera Grand Palace» қонақ үйіне ұрлыққа түседі. Белгілі болғандай, ол жігіт осы қонақүйдің бұрынғы қызметкері екен.

Қонақ үйдің директоры Раушан Хамитованың айтуынша, олар ер адамды бұрын осы жерде жұмыс істегенінен танып қойған.

Видеодан көрінгендей, ер адам қонақ үйге кірген соң, аквариумның әйнегін ашып, қолымен бір метрлік балықты алып шыққан. Сөйтіп, олжасын алып сыртқа беттеген.

Бірақ ұры алысқа қашып үлгермеген екен. Ұрлыққа түскен жігітті күзетшілер ұстап алып, балықты қонақ үйге қайтарған.

Қонақ үйдің директоры осы фактіге қатысты ешқандай арыз жазбағанын айтады. Себебі ұрлықтың жолы кесіліп, балық аквариумге қайтадан жіберілген.