Ақша төлегісі келмеген әйел даяшыны тістеп тастады (фото)

Қытай мейрамханасында ішкен тамағы үшін ақша төлеуге қарсы шығып, даяшының қолын тістеп тастаған Аделаида тұрғыны әлем назарына ілікті.

Бұл туралы NUR.KZ порталы 120.su сайтына сілтеме жасап хабарлайды.
Чуньпинь Цюань бастапқыда даяшыдан балықтың тек жартысын әкеліп беруін өтінген. Алайда даяшы балықты жарты порциямен сатпайтындарын айтады.

Соған қарамастан, 48 жастағы әйел балыққа тапсырыс беруді жөн санайды. Ол балықты толық жемей, құйрығы мен басын қалдырып қояды. Осылайша тамақтың жартысын ғана жедім деп мәлімдеген әйел тек жарты ақшасын төлейтінін алға тартқан.

19 жастағы даяшы тамаққа толық ақшасын төлемей кетіп бара жатқан әйелді тоқтатпақ болғанында, әйел жас жігітке тап береді. Ол даяшының қолын тістеп тастайды. Нәтижесінде қолындағы жарақатты тіктіруіне тура келген даяшы әйелді сотқа берді.