«Ақша тап та, өзің асыра». Фариза Алмазова Нұрсұлтан Жақсыгеннің 8 ай алимент төлемегенін жария етті

Актер Нұрсұлтан Жақсыгеннің бұрынғы әйелі, блогер Фариза Алмазова әлеуметтік желіде өз қынжылысын білдірді. Ол балалардың әкесі 8 айдан бері алимент төлемегенін жазды:
”Әкенің орны жездедей-ақ деген сөзді дәлелдеп берді. Сот орындаушысы шақырды. 8 айдан бері алимент төлемеген еді. Сол үшін арыз жаздым”.
Фариза актердің алдағы уақытта да алимент төлемейтінін айтқан жазбасын да көпшілік талқысына ұсынды.
Нұрсұлтан Жақсыген: «Ақша тап та, балаларды өзің асыра. Балаларды да көрмей-ақ койдым. Жиналса жинала берсін. Сториске салып, охват жинаймын деп ойламай-ақ қой. Менің бір емес, екі үйім бар. Сен сияқты әке-шешеңмен тентіреп жүрген жоқпын. Қыз деген көп емес пе, шертіп жүріп таңдай аламын”, – деп жазыпты.

Еске сала кетейік, елімізде алимент төлемейтіндерге жаза қатаң. Қылмыстық кодекске сәйкес, төлемді үш ай кешіктірген борышкер 600 сағатқа дейін қоғамдық жұмысқа тартылуы мүмкін. Сондай-ақ
бас бостандығын екі жылға дейін шектеу немесе екі жылға дейін бас бостандығынан айыру жазасы да қарастырылған.
JQ-Aqparat
Сурет: ғаламтор