АҚШ-та алып айдаһар видеоға кездейсоқ түсіп қалды (видео)

АҚШ-та видеоға айдаһар түсіп қалды. Желіге салынған бұл видеоны адамдар сан-саққа жүгіртіп жатыр. Аңызға сенбейтіндер мұны монтаж дейді. Ал криптозоологтар оның айдаһар болуы әбден мүмкін екенін айтады.

Монтана штатында бір ер адам квадрокоптердің көмегімен көлдің әдемі көрінісін түсіреді. Табиғаттан үйге оралып, компьютерден видеоны тамашалағанда одан бейтаныс жануарды аңғарады. Үлкен қанаты мен құйрығы бар. Құдды аңыздардағы айдаһарға қатты ұқсайды.

Бұл тұралы Новости планеты сайтына сілтеме жасап, 365info.kz хабарлады.

Әрине, ер адам бұған қатты таң қалады. Сөйтіп оны интернетке жүктеуді жөн көреді. Видеоны көргендер әртүрлі пікір қалдырған.

Бірі мұны қарапайым батпырауық десе, бірі ұшқышсыз ұшаққа ұқсатқан. Тағы бірі бұл монтаж ғой дейді. Ал жануарлар әлемі мамандары, яғни криптозоологтар бұл сюжетке қатты қызыққан.
Олар бұл жайтты түбегейлі зерттеу керек деп отыр. Мамандардың айтуынша, қырылып қалды деген айдаһарлардың тұқымы әлі параллель әлемде өмір сүріп жатуы мүмкін, оның кейбіреуі уақыт кеңістігін бұзып, бізге өтуі де ықтимал деп болжайды.

Еске сала кетелік, осы көктемде қытай-қазақ шекарасындағы Тарбағатай аумағынан да айдаһар табылып еді. Бірақ ол өлі болатын.