АҚШ Қазақстаннан жерді 49 жылға жалға алады

22 қантар 2025, 11:45

Сурет: Depositphotos.com

Бастама Қазақстан мен АҚШ үкіметі арасындағы келісімді ратификациялауды көздейді. Оған сәйкес америкалық тарап консулдық ғимаратын салу үшін Алматыдан жер телімін жалға ала алады, деп хабарлайды jasqazaq.kz.

Депутат Айгүл Құспан мәлім еткендей, сөз болып отырған келісімге былтыр 27 қыркүйекте Нью-Йоркте қол қойылған.

«Келісімнің мақсаты – АҚШ үкіметіне Алматы қаласындағы АҚШ консулдық мекемесінің ғимаратын салу және пайдалану үшін 49 жыл мерзімге 70 мың шаршы метрден астам жер учаскесін жалға беру.

Комитет заң жобасын қарауға және ол бойынша қорытынды дайындауға дайын. Қолдауларыңызды сұраймын», — деді Құспан Мәжілістің отырысында.