Ақнәрдің өлімі бойынша қылмыстық іс Алматы полициясының ерекше бақылауында

Ақнәрдің өлімі бойынша қылмыстық іс Алматы полициясының ерекше бақылауында, деп хабарлайды jasqazaq.kz Алматы ПД баспасөз қызметіне сілтеме жасап. 

Қазіргі уақытта болған оқиғаның толық көрінісін анықтау үшін жан-жақты тергеу жүріп жатыр.

Тергеу шеңберінде материалдар жинақталып, талдануда, куәлардан жауап алынуда, бейнежазбалар зерделенуде, заңда көзделген басқа да процессуалдық әрекеттер жүзеге асырылуда.

Тергеу барысы Департамент басшылығының ерекше бақылауында.

Полиция марқұмның туыстарының бастан кешкен қайғысына шын жүректен ортақтасатынын айтты.

Сонымен қатар, соңғы процессуалдық шешім барлық тағайындалған сараптамалардың нәтижелерін алғаннан кейін және қажетті тергеу әрекеттерін жүргізгеннен кейін қабылданатын болады.

JQ-Aqparat

Сурет: жеке архивтен